讀者投稿《裝修睇燈奶奶篇》
我奶奶屋企裝修，咁差唔多搞掂就要諗買啲燈飾呀櫃呀呢呢路路。
啱啱嘅星期日，我同frd 出街食lunch, 奶奶打嚟：
奶奶： 喂，你奶奶打嚟呀
我： 奶奶咩事呀？
奶奶： 呀仔呢？ 佢做咩唔聽電話呀？
我： 我出咗街喎，有frd 返咗香港所以食飯
奶奶：咁我個仔係邊呀？
我：屋企掛
奶奶： 係屋企做咩唔聽我電話呀？你做咩唔知你老公係邊㗎？
我：吓，我點知呀。有咩事呢？
奶奶： 無呀，屋企個廳要買燈飾。我又唔想買水晶燈，又唔想買有個膽吸住嘅。見到個想買嘅，幾個燈咁。。。不過我又唔想要三盞燈嘅，太少啦。。五盞又太多，四盞又唔好意頭。你叫呀仔幫我睇啦
我： 哦。。。。
Pass 咗個msg...
三日後， 老公去搵奶奶，奶奶鬧老公唔同佢去買燈。俾咗一系列嘅宜家，淘寶嘅燈飾圖片佢都話唔啱。。。
外加： 叫你老婆幫手睇，有幾難啫。。。。。
(佢見到盞六個燈頭嘅，話：都話五個燈嘅都多咯，你仲俾六個頭我。。。
我之後都搵咗個五頭，啱佢要求嘅俾佢。。。
佢。嫌。 張。相。影。到。好。黃）
退一步海闊天高。
Search